Riad - Payuz geldima gulayi yaģishlar

Payız gecəsi, həzin külək, narın atan yagışlar
Qara buludlu, sərin havada soyuq-soyuq baxışlar
Sakit otaq, bir siqaret xatirələr bir de mən
Üzümdə bir qürür fəqət içimdə yalvarışlar
Səninlə mən bir ruh idik ayrı-ayrı bədəndə
Bağışlamışdım səni mən, mənə bu səhvi edəndə
Sən əslində elə də qəbahətli bir şey etmədin
Mənə bir həyat dərsi oldu tərk eliyib gedəndə

Qara gözündən işarətdir həyatımda qaranlıq
Zaman keçir çıxıb gedir vəfasızdı cavanlıq
Mən gələcək günlərimi, hamınl fəda edərdim
Birce defe gözüm gözünü görsə idi bir anlıq
Şeh düşəndə səhərə yaxın gül üstündə jalələr
Al yanaqların misali düzənlikdə lalələr
Göyə baxaraq dərdlərimi buludlarla bölüşürəm
Buludların göz yaşının səbəbidi ah-nalələr

Sen gedəni üzümdə qəm, gözümsə intizarlı
Saçıma ağ düşər görünər uca dağın üstü qarlı
Sən gedişinlə mənə dağ cekdin, amma, sevgilim
Bu dağı elə sənin çəkməyindi edən vüqarlı

Necə də çıxartdın mənə verdiyin əhdi yadından
Mən səni seçmişdim özümə yar o qədər qadından
Nə olsun ki, eşitmirsən, unutmusan bəlkə də
Mənsə şerlerde istifadə edirəm adından